Det vart ein alle tiders 17. mai-feiring på Toftøy. Uvanleg mange gjekk i barnetoget som i år starta frå Vik Bedehus. Toftøy skulemusikkorps spela og ordførar Olav Martin Vik held festtalen.
Folk nytte vårsola utanfor nyeskulen og koste seg storleg.

Fleire hundre møtte opp og gjekk i barnetoget frå Torsvik kai til Skulehuset på Toft. Framst i toget gjekk flaggborga med Toftøy Skulekorps rett bak. Det spelte imponerande flott og skapte den rette 17.mai-stemninga.

På søre Vik kjem det denne vinteren opp eit nytt hus. Det er Åse og Oskar Vik som er byggherrar, og huset kjem opp aust for løo til Ingolf Solsvik på ein bakke som vart kalla Leitet. Åse og Oskar er begge frå Vik og bur for tida i Knappen.

Hovudvegen over Tofthaugen har vore stengt nokre dagar på grunn av legging av kloakk- og vassledning gjennom vegen vestover til Hauen og Skjergardstunet.

Vik Mannskor var i studio helga 3. - 5.juni og spelte inn CD-plate. Det vart mange og lange timar med terping og finpuss før koret hadde spelt inn 14 av songane sine. No vert råutkastet bearbeida, det vert lagt på bassgitar og saxofon på nokre av songane, det skal lagast omslag og plata skal kopierast i 5-600 eksemplar. I slutten av august er CD-en klar, og det vert CD-slepp i Vik Bedehus lørdag 27.august. Opptaka vart gjort i platestudioet Lydriket på Verftet i Bergen, og firmaet Make Music produserer plata. Pris: kr.150,-. Kan kjøpast ved å kontakta Vikaskarven.

Søndagsskulen hadde si avslutning av semesteret i Pordalsmyro søndag 10.juni. 20-25 små og store koste seg storleg i det flotte og varme sommarveret ved skjenefloren i Pordalsmyro. Etter leik og illustrerande andakt der mest alle var med, vart det servert grilla pølser til alle som ville ha. Eit flott tiltak - som altfor mange gjekk glipp av...

To store naust er under oppussing i Vikavågen. Naustet til Per B. Vik får nytt tak. Naustet til Asbjørn M. Vik får ny fasade mot sør.

I Stekkevikja nordom Grønholmen er den største hytta demontert og berre grunnmuren står att.
Lenger nord i Breivikja brann ei hytta ned til grunnen 20.juli. Eit eldre ektepar på 82 år som var i hytta då lynet slo ned, klarte å berga seg ut av hytta i god behald.
På austsida av Va er hytta på Skarveland sin eigedom betydeleg utvida i sommar.

Flytebryggja ved Dampekaien er så å seia eit faktum. Mandag 19.oktober vart bryggja lagt ut for å prøva korleis hos passar i fortøyningane. Hendinga tiltrekte seg sjølvsagt ein del folk på kaien som flittig kommenterte det som føregjekk.

På tomta etter den gamle Kørbestovo kjem det opp eit heilt nytt hus. Her er nokre glimt frå arbeidet og kor langt det er kome.